孫慧雪爆老公服侍男人

37歲藝人孫慧雪昨日到電台宣傳新歌《幸福的錯覺》，她表示若40歲時不走樣，考慮再出寫真：「希望到時有廣告商同美容贊助，等我變得更靚。」又笑言首本寫真賣點是「少少肥」：「其實係因為唔夠弗先咁講，想再弗啲，但呢排拍飲食節目日食4餐，搞到肥咗5磅，之後會努力減。（老公鍾意你有肉地？）佢從來唔理我，但佢講過一樣嘢好冧，就係『無論人哋點睇你都好，我同個仔都覺得你係最靚。』」