陳慧琳八卦囝囝私生活
陳慧琳（Kelly）昨日出席廣告活動，廣告中她做回母親角色，從兒子成長過程中學「放手」，令兒子獨立，現場她看畢廣告片後大受感動，鼻酸酸說：「因為好夭到我，面對兩個仔都有硬心腸學放手。」她稱待兒子大一點會送他們出國留學。講到400萬供兩個兒子升學，Kelly大感嘩然：「係？冇計過嘛！大仔依家10歲，好似仲有好多嘢未教佢就要走。」她稱自己15歲就去紐約讀書，其實好驚，問到屆時會否陪太子讀書？她說：「都要同老師打聲招呼！（當年父母冇陪你？）係囉！咁應該佢自己去。」
問到將來可會幫兒子置業？她說：「樓就會嘅，婚就佢自己，呢個最擔心一環，佢識唔識到女仔呢！（拍拖未？）未啦！人哋騷佢先得，我知(o架)，我有打聽吓，八卦佢啲私生活。（睇囝囝ig？）佢未有，有實嗌交，一陣佢影晒屋企出嚟，我日日喺屋企都要化妝Set晒頭，一陣影咗我喺廁所出嚟抽住條褲，咁好驚，我要有形象o架嘛。」Kelly笑言屆時要兒子幫她打格。之前中秋節正是她生日，她稱切月餅當切生日蛋糕，兒子給她送吻已滿足。