陳山聰簡單婚禮搞掂晒！
藝人陳山聰昨日到電台宣傳新劇《金宵大廈》，開心外界反應正評：「好似打咗支強心針，多謝監製大膽用我做男主角，套劇未出街前有少少擔心，但可能因為之前《十二傳說》好成績，所以公司肯試吓，反正陳山聰唔得嘅咪跌番落去，我又唔係收視保證，所以唔得係應該，唔得就做番其他角色，所以抱住勇字行頭嘅心態。」
講到又要宣傳新劇，又要拍攝新劇《大步走》，豈不是沒有時間籌備婚禮？他說：「其實好簡單，冇儀式、冇出門，淨係喺酒店簽字同食飯，要準備嘅嘢都安排好晒，其他嘢就交畀太太安排。」他又透露下月中會到雲頂舉行首個個人演唱會，一小時唱十幾首歌，又笑言會唱當年自己的歌《ABCD》：「以前我好抗拒唱呢首歌，不過呢兩年開竅諗通咗想唱。」