吳日言逆市開舖傾減租
昨日藝人吳日言到粉嶺為香港開電視節目《30分鐘大放餸》擔任嘉賓，她與主持黃芳雯相識多時，現在大家做了媽媽，吳日言羨慕黃芳雯再佗BB，自己也希望再生：「今年時間唔啱，自己想生大B，將來讀書會好啲，5至7月造人就最啱，依家就校住慢火，慢煮住先，唔係驚個火熄咗，哈哈。」
吳日言與黃芳雯也有做生意，吳日言的飯糰店更在逆市下將會在旺角開第三間分店，她笑說：「因為之前簽咗約！不過計劃都係希望兩年開四間，雖然環境唔好，山頂分店生意跌咗九成，每日得兩、三百蚊生意，銅鑼灣嗰間就OK，因為都係以平價為主，反而啲人少咗去餐廳食飯，會幫襯我哋呢啲小店，所以都有信心。」問到可有要求業主減租？她笑說：「都有傾，但係業主話我開咗舖先啦，未開都唔知受到幾大影響。」