Jessica笑未婚夫煩過女人

Jessica挨住Steven影婚照，甜蜜又幸福。

早前兩人到日本米子市拍了多輯婚照，其中在沙灘取景的一輯十分性感，她表示男友沒禁止性感，反而她投訴男友經常扮Chok，煩過女人︰「連攝影師都頂唔順，成日笑佢『可以出道喇』。」

呻攰嗌停

攝影師拍Jessica獨照時，Steven都不斷在旁邊擺甫士，故攝影師惟有滿足對方，轉拍新郎哥，最難得是他愈拍愈起勁，Jessica說：「佢有好多Idea，畀好多參考圖攝影師睇，佢就樂在其中，比女仔要求更多。雖然今次係幾好玩，不過因為佢好多要求，影到我好攰，我同佢講唔好再影，佢就會話『我人生得一次，你好好配合我啦』！反而係男仔咁同女仔講，都幾好笑！」今年4月，Jessica宣布與拍拖近6年的圈外男友Steven訂婚，兩人已定於下月27日在台北擺喜酒。

穿上性感婚紗的準新娘，分外明艷照人！

Jessica派嫁女餅，還附有印上「JS」的婚照。