藝人洪杰及劉卓軒昨日為電台的歌唱比賽擔任評判，洪杰自認要求高，特別會留意參賽者有沒有信心，以及「執生」技巧，又自爆初入行時的蝦碌事：「有次去內地演唱，唱唱吓突然個喇叭着火出白煙！當初以為係舞台效果，但見公安拎住滅火筒就知咩事，最後都有唱落去，要表現得唔驚慌。」而第二次做評判的劉卓軒，則稱好大壓力，因為今次有前輩洪杰坐鎮，繼而分享有次「火車未到站」便上台唱歌的驚險事︰「唱完工作人員先同我講，好彩啲粉絲冇Zoom埋去影相！」
