蔡一傑5語開唱 透視誘惑「肌」不可失
將於10月舉行首個個人音樂會的蔡一傑，近日積極備戰，自爆運動時間十年如一日：「每日會做3.5小時健身、游水會游足2至3千米，再跑步6至7K，呢二、三十年我嘅腰圍都維持30吋。」自認貪靚的他時刻不會鬆懈，但演唱會衣飾未有打算大解放：「唔係一定要除衫嘅，我都有透視裝。其實健身係想着衫好睇啲、肌肉線條出啲啫。」又計劃找師傅操拳練氣，飲食方面堅持晚上6時後盡量不進食。
日泰大兜亂
傑仔相當重視今次演出，將分別演唱5種語言歌曲：「除咗普通話、廣東話同英語外，我自學日語及泰語歌。（已經可以用泰文同人溝通？）簡單嘅可以，我屋企個姐姐嚟自泰國，我哋會用泰文對話，有時仲會同佢拗發音。好好笑嘅係有時我會轉唔切channel，喺日本旅行忽然講咗泰文，喺泰國又試過講日文。」
近日他親自設計一黑一白Tee為演唱會造勢：「限量嘅，應該會放喺網上發售。黑色Tee嗰啲字我手繪嘅，白色Tee上嘅日文係我英文名Ramus嘅片假名寫法，我覺得比較特別。」
紅館擘髀爆呔
另外，忙於操練的傑仔日前為東網巨星節目「海馬牌床褥特約」《閨蜜睡房之Brother來了》擔任嘉賓，入行多年的他笑言發生過不少瘀事，最記得一次在紅館舞台，因為跳舞擘髀太落力，結果當眾「爆呔」：「真係擘到爆咗成呎喎！」想知道當時傑仔本能反應係點？即上東網App與東網網頁重溫《閨蜜睡房》，由他親口講畀大家知！