真空演繹 基仔設計開窿褲
揚言為Kenny倒貼演出的古巨基打頭陣出場，頂替「BOYZ」成員Steven跳唱《La La世界》，Kenny多謝基仔設計的露腹肌及褲頭開側窿的「半套衫」服裝，基仔問可否摸他的腹肌時，Kenny自爆沒着底褲，基仔即笑指設計是配合中秋節：「有個側月、半月，紅館都可以賞月O架！」自言「幾十勾」的基仔提議改組合名，覺得網民提議的「童顏巨斌」名字鹹濕，但又忍不住講有味笑話：「中秋帶大家近啲賞月，但有少少危險，驚有隻雀仔會飛過月亮。」
講Steven：冇嬲反而擔心
個唱尾段時，Kenny和全場合唱「BOYZ」的歌曲後感性地說：「呢個演唱會本來係BOYZ嘅，好多人問我有冇嬲佢（Steven），我係失望，佢同我鄭重道歉後，我已經冇嬲，反而擔心佢點面對之後嘅生活，唔係想叫大家原諒佢，亦未必適合由我嚟講值唔值得原諒，但佢係我出生入死嘅好兄弟。」