陳鈺芸拍美劇飛甩替身
武打女星陳鈺芸（JuJu）演出的美國電視劇《五行刺客》最近播出，她飾演黑幫大佬的保鏢，身手了得。她表示劇中所有動作場面都是親身上陣：「荷里活每逢拍動作場面，動作指導都會搵替身拍一次畀導演睇，我要求唔用替身，想同武指一齊設計招式，對方話做咗廿幾年，從來冇演員會親身做，覺得好難得。今次嘅動作場面好多都係一鏡到尾，冇剪接，連打兩分鐘冇停，我都好滿意。大部分演員都有武術底子，見網民留言都讚動作戲拍得好好。」
JuJu坦言拍攝受傷在所難免，但身體似乎習慣了，瘀痕亦很快消散。而愛好武術的她今次趁拍攝空檔向武師學習印尼武術Silat，令她獲益良多。