唐詩詠帝國大廈回眸尋愛

藝人李施嬅、黃翠如與唐詩詠（Natalie）近日在紐約亮相當地舉行的時裝周。黃翠如與Natalie睇騷之餘還順道遊覽當地名勝，去勻布魯克林橋及帝國大廈等地標「打卡」，Natalie開心表示「圓夢」：「細個好鍾意睇《緣份的天空》，去帝國大廈係我人生十大最想做嘅事之一，好感觸，我不停向後望有冇男仔，可惜未遇到。」
翠如（右）與唐詩詠四圍「打卡」。
翠如（右）與唐詩詠四圍「打卡」。

至於李施嬅有幸上台行騷，坦言機會難得：「第一次喺咁大型嘅舞台行騷，係好榮幸嘅經驗。」又指此行有意外收穫，遇見女神妮歌潔曼（Nicole Kidman）：「佢演技好又靚女，可惜現場太多人，未有機會同佢合照！」

李施嬅與妮歌同場睇騷。
  • 李施嬅與妮歌同場睇騷。