陳庭欣胃抽筋被抬走！

藝人陳庭欣昨午綵排《香港唱好演唱會》時突然胃抽筋得相當嚴重，吃藥後未見好轉，最後要勞動保安人員用擔架床送她往休息室，幸好可以繼續晚上的演出，還換上低胸裝示人，她透露休息過後已無大礙：「我抖埋今晚先，睇吓之後使唔使去做身體檢查。（怕唔怕影響演出？）咁又唔會，今晚係八個女仔一齊合唱《萬水千山總是情》，我得一句獨唱。其實我有食早餐，都唔知點解會咁，可能知道要唱現場，緊張到胃抽筋啩！」又表示近日頻頻「失魂」，日前滑水時被撞到面頰：「眼肚位置都瘀晒，要靠化妝遮住，好在冇撞到隻眼，否則大件事。」