李絲如任人搵笨視劉佩玥目標

「C Cup張紋嘉」李絲如（Ninni）去年參加「香港唯美天使2018」選美比賽勇奪冠軍、友誼小姐及才藝小姐成三料冠軍，一夜成名獲邀任舞台劇女主角，自此展開星途，但她表示當初參賽非為攞獎：「因為話可以做Blogger同參與慈善工作，所以就膽粗粗去挑戰，過程中識咗好多靚女。」自認跳舞、唱歌皆能的她，在才藝表演環節中晒言語天分：「用廣東話、普通話同英文演講，冇諗過會有咁好成績。」問她可會挑戰參選港姐？她自言非標準美女，但一定是有自信的陽光女孩，又表示很欣賞前港姐季軍劉佩玥，視對方為學習對象：「好鍾意佢嘅陽光笑容，一見到佢就好有正能量。」