被騙滑雪落山JW驚到窒息

歌手JW（王灝兒）前晚出席網上直播音樂節目時，分享滑雪難忘事：「之前同成班朋友去北海道滑雪，第一次滑雪好驚，得好短時間學。」並指朋友欺騙她：「學完之後，朋友呃我搭纜車上去食Lunch，沿途我問點解冇人搭番纜車落嚟，佢哋就話要自己滑落嚟。」最後她被迫滑雪落山：「仲要遇着少少暴風雪，真係好驚，完全抖唔到氣、睇唔到嘢，好彩我家姐陪我慢慢落。（有冇整親？）係咁跌，好攰，翌日起身全身肌肉都痛。」