陳山聰預告老婆婚紗唔性感

藝人陳山聰與劉穎鏇（Tiffany）昨日現身電視城，為新劇《大步走》開工。剛與未婚妻Apple入紙申請註冊結婚的山聰，表示由於入紙要預約，但近期忙拍劇，故上星期才成事，而婚禮其他細節交由Apple負責。談到禮服，山聰說：「搞掂咗，我會着得簡單啲，Apple嘅婚紗就由胡杏兒前婚紗公司拍檔幫手。（畀老婆性感？）佢咁低調，點會想性感吖！」又笑指好友伍詠薇與單立文問他婚宴有否Dress Code：「佢哋話未買衫，但其實大家着得有型啲咪得囉。」