美國男星艾力寶雲（Alec Baldwin）成為今屆搞笑頻道Comedy Central年度「寸」燒大會的目標！大批影星嘉賓拿他開玩笑，包括金像影帝羅拔迪尼路（Robert De Niro），他以艾力打狗仔隊新聞寸對方臭脾氣：「我見過佢搵手機自拍時，打咗自己塊面。」
童年時曾被艾力於電話錄音大罵「死蠢豬」的23歲女兒愛爾蘭寶雲（Ireland Baldwin）亦驚喜上台，借母親金碧辛嘉（Kim Basinger）來踩老竇成就有所不及：「作為一個傳奇影星個女係唔容易……但我唔係嚟呢度講我媽咪。」不過一切都是戲謔，最後父女來個熊抱，證明關係依舊。