無綫小花劉佩玥（Moon）去年被爆與周志文於船P激咀，及後以角度問題否定拍拖，不過傳聞沒完沒了，二人亦繼續甜蜜約會。昨日是Moon踏入30歲的日子，緋聞男友志文被讀者爆料指早於前晚已率先與壽星女舉行生日派對！前晚Moon現身港姐決賽時，已事先張揚會與圈內圈外朋友慶祝，沒料完騷後便火速行動，獲志文為她搞派對，準備齊齊度過午夜12時。
為掩人耳目，志文找來與Moon合作無綫劇集《跳躍生命線》的「跳躍四子」何廣沛、郭子豪、張彥博和羅天宇出席，其餘圈中人還有湯洛雯及陳庭欣，期間眾人合照，惟志文選擇擔任攝影師，未有與壽星女同框，不過照片最後於網上曝光！
雖然Moon尚未就事件開腔，但志文昨日受訪時承認為壽星女搞生日會，更指照片中尚有Moon的圈外好友Melody：「佢哋年年都一齊搞生日會，所以尋晚玩到好夜。（送咩畀Moon？）祝福！最緊要開心健康。（即係送咗咩？）蛋糕囉！」提到他將於本月28日生日，他自言甚少舉行派對，故今年有機會與其他同月及下月生日的朋友慶祝。而何廣沛則說：「咁啱嗰晚係港姐決賽，完咗就換衫去同佢慶祝！因為日頭開工，所以到一到影咗相就走。」更指是首次與對方慶生。
而張彥博被問到送了甚麼禮物給Moon，他說：「冇喎，我諗我哋『F4』出現已經係最大禮物。」