黃嘉雯信晒男友無懼分手魔咒

無綫行政總裁李寶安頒獎予得獎佳麗。

港姐冠軍黃嘉雯、亞軍王菲、季軍古佩玲及「友誼小姐」陳熙蕊，昨日在將軍澳電視城接受無綫行政總裁李寶安頒獎及會晤傳媒。

黃嘉雯透露昨日凌晨回家與家人開香檳食消夜慶祝，賽後即作病：「病病哋、頭赤赤，尋晚瞓得4個鐘，唔夠時間休息，今日早放工返去休息。（會同外籍男友慶祝？）唔知呀，依家只係想瞓覺，佢都要返工。（尋晚佢唔接你上樓？）我哋唔係一齊住，當選之後佢有Send Message畀我，話Proud of me。（驚唔驚中港姐分手魔咒？）唔會，佢好大方，大家都係成年人，好成熟。我好有信心，佢好明白、支持我。（當選之後約法三章？）冇，我哋好Free，都一齊咗年幾。（拍劇有親密舉動，男友OK？）未諗到咁長遠。」她坦言非常信任男友，並透露對方做Marketing。

出爐港姐冠軍黃嘉雯回家慶功，但未見男友接送。	《東張西望》節目組到訪黃家，黃嘉雯的外籍男友亦有現身。	蔡嘉欣（前）大熱倒灶，勝在有成班朋友呵番。

王菲與古佩玲都與家人食湯圓慶祝，但王菲指可能餓了太耐及身體不適，竟然食到嘔！她又指男友與家人睇直播全力支持，獲男友大讚「叻女」，而對方一直支持她追夢，所以雙方都有信心，不擔心將來因太忙令感情生變。古佩玲則怕醜地指男友身在加拿大，有傳短訊加大量心心祝賀，Sweet到爆。

古佩玲富爸爸冇影

而在前晚的賽事上，古佩玲媽媽、哥哥及阿嫂都有現身支持，唯獨「富爸爸」未見蹤影。而黃嘉雯的外籍男友亦有在場支持，惟宣布賽果後趕不及錫啖女友慶祝。黃嘉雯凌晨乘坐大會車輛返回紅磡海逸豪園住所，對於有指她曾做第三者介入牙醫的戀情，她矢口否認：「冇咁嘅事，絕對唔係，佢係我男朋友嚟o架！」