阿媽催傳宗接代 敬軒幫關智斌「調音」
張敬軒昨日偕「網絡女神」倪晨曦出席活動，期間大講有味笑話，提到「密友」關智斌即將開騷，軒仔抵死笑言會為對方「調音」，更可提供「上門服務」！
歌手張敬軒及倪晨曦（Elva）昨日出席銀行廣告發布會，期間身穿白色斜膊高衩裙的Elva坐下，不慎露出打底褲。受訪時，軒仔宣布將與香港中樂團在11月22日至24日合作舉行紅館演唱會，笑言最近3個月做了演唱會之友，之前幫容祖兒，之後輪到關智斌（Kenny）及自己開騷，並表示會為Kenny擔任嘉賓，問可會幫手換衫？他笑說：「佢有手有腳，自己搞啦！」可會幫手做幕後？他即抵死開黃腔笑言：「幫佢調……音，調理音響部。（點幫佢調？）用陰力，輕輕微調，唔使大力。」又笑言可以上門調音，試過幫朋友的私人卡拉OK房調音。
提到祖兒與王菀之的已婚叔仔Gavin So傳緋聞，軒仔坦言：「冇親身求證，呢啲新聞年中都唔少，所以睇完唔會問，係可能食飯嗰陣見到多個人多雙筷，唔會特別講。」又笑說：「其實我同祖兒都過咗適婚年齡，佢鍾意小朋友，我都叫佢快啲生，再唔生冇得生。」他又提到祖兒請纓為他做代母：「代購就話啫，如果真係要做，我要check check自己嗰方面先，但其實代母喺香港犯法，所以唔會考慮。媽咪有問我傳宗接代嘅嘢，但帶小朋友嚟世上係好大決定。」
倪晨曦婚禮延期
Elva首次與軒仔合作，身為「網友」的二人互笠高帽，大讚對方的社交平台經營得好，Elva說：「軒仔寫嘅caption好得意，個個post都有聲有味。」她提到9月幾乎都不在港，因為要到歐美出席時裝周，問到豈不是沒時間籌備婚禮？她說：「係呀，所以要延到出年2月，依家book咗場應該唔會再改期，如果唔係未婚夫會詐型。（喺邊度搞？）喺香港。」