林雲中戀人未滿 甄詠珊餵雪糕為試味
藝人甄詠珊昨日為大都會融創廣告拍攝宣傳照，大Sell健康性感，她開心表示「冧莊」做代言人：「今次係更開心價，依家係自由身可以全袋。（逆市冇被壓價？）冇！」還說今次有五個造型等，嫌昨日的旅行Look不夠性感。至於會否着泳衣？她說：「下次先，再續約就着。」
早前她跟林雲中約會斷正，她形容雙方關係是朋友以上、戀人未滿：「了解中，我哋識咗20幾年o架啦！佢最近好忙，要教煮食班，會跟佢上堂偷師。（你同佢跑步、又餵食雪糕。）因為遲啲我要拍《大步走》，雪糕就係試味啫！（等佢表白？）睇吓啦，我唔知佢點諗。（主動表白？）以前試過，但唔代表呢次會。」
