定欣智雯唔怕尷尬跨台撐陳慧珊

定欣（左）與智雯（右）冇避忌照撐場，陳慧珊當然興奮！

開心結局掀話題

談及主演劇集《包青天再起風雲》的大結局，不少網民表示睇唔明，定欣說：「網上有好大反應，好開心，證明大家有睇。結尾嗰場係想留伏線，畀大家感覺會有第二輯。（觀眾話睇唔明？）做演員有時都未必明，幾好，有話題！」對於被拍得連續兩日着同一套衫出街，她笑說：「我返屋企沖涼後有換衫，不過落一落街就唔需要太考究，我慳家。（下次出街執正啲？）我冇所謂，做人簡單啲幾好。」至於同是無綫藝人的黃智雯，亦叫大家不要太敏感，她表示跟Flora合作過，一直視對方為榜樣，故前來支持。

而Flora自爆首播會前一晚因污糟物入眼，致雙眼及嘴唇腫脹，即前往醫院求醫，幸服藥後好轉：「我原本打算戴黑超出席，但依家學識接受同放低，眼腫唔緊要，最重要係好朋友嚟支持。」

陳慧珊與老公獲女兒打氣。	江欣燕（左）與陳彥行齊撐好友。	宣萱早前飛往英國，偕陳慧珊一同拍攝。