釗峰遇周潤發留遺憾
組合C AllStar成員梁釗峰日前為新歌《28天》到大帽山拍攝MV，期間竟遇見紅星周潤發，不過他卻大叫遺憾：「自己有越野跑嘅習慣，之前去過大帽山跑，但一直冇遇過發哥，嗰日去拍MV，我喺架車度見到佢，因為太突然，我完全冇反應……我應該即刻衝落車！」
談到新歌被人誤以為是形容女性生理周期，他即說：「當然唔係啦！呢首歌係我28歲時寫嘅，當時經歷咗啲唔開心嘅事，發覺解鈴還需繫鈴人，自己心結自己解，我決定用一首歌為自己解脫。」他表示每個人都會面對不開心，要讓情緒釋放，但他會設個限期：「唔好頹太耐，可以唔開心一陣，但唔會超過28日。」