陳柏宇爆囡囡鍾意搣紙巾

歌手陳柏宇（Jason）昨日現身電台宣傳新歌《七折》，講到11個月大的囡囡正在學行，而且對周圍的事物充滿好奇，不停通屋走摷家品：「佢鍾意搣紙巾，搣到碎晒，之後將最細塊嘅紙巾放入口度。」又笑指家中的貓狗亦是囡囡的探索目標，他說：「阿女同隻狗高度差唔多，成日追住隻狗玩，又篤佢屁股，但狗狗當係玩，冇乜大反應。佢又會追貓，但動作唔夠貓快，不過佢哋成日一齊瞓。」現時囡囡和寵物可融洽相處，作為父親和寵物主人的他覺得是件開心事，又表示由始至終沒有想過棄養毛孩。