張可頤孖謝君豪慶功：我都得得哋！
由張可頤、謝君豪及江美儀等主演、張之珏執導的舞台劇《但願人長久》前晚提前舉行慶功宴，首次演出百老匯作品的張可頤自言雖然並非活躍舞台劇的演員，但原來低估了自己：「我都得得哋。（對舞台劇上癮？）唔好住，唔知幾時有下一部。」君豪則大讚拍檔愈做愈好，可頤禮尚往來反讚對方犀利：「我有時會卡住喊唔到，惟有聲音搭夠，佢啲眼淚就一行一行咁流落嚟，場場都喊到，我就十場有八場喊到。」
至於江美儀在劇中每晚都要摑對手十巴掌，笑言打到手痛：「唔用力又畀人話我揸流攤，我手痛到要自己刮痧，啲瘀青浮晒出嚟，有戲場我要扮飲醉酒，又撞到雙腳瘀晒！」
