蔡嘉欣走廊示愛贏農夫歡心
十位應屆候選港姐昨日現身活動拉票，參賽以來都是話題人物之一的蔡嘉欣，賣口乖自認喜歡同場的組合農夫，並曾向二人示愛，又突然爆料指被質疑性向的姚懿芠對眼鏡宅男情有獨鍾。
由鄭裕玲（嘟嘟）與組合農夫成員陸永及C君主持的節目《Do姐有問題》昨日進行錄影，十位應屆候選港姐晒腿任嘉賓兼拉票。三人表示首次見佳麗真人，問到有何心水？嘟嘟稱現時不能作準，因要視乎比賽當晚狀態，又指最重要是順眼及乾淨。至於農夫則齊聲表示對蔡嘉欣最有印象，並說：「有日喺公司走廊，佢走埋嚟講，我好鍾意農夫，個樣講得好真誠。」並笑言對方似足他們的作風：「我哋都係咁同其他人講好鍾意佢哋，聽到會開心。」
蔡嘉欣直認喜歡農夫，又即場唱了兩句對方的歌曲以證粉絲身份，她說：「上次冇集郵，怕打擾佢哋工作，可惜今次唔係佢哋做港姐司儀。」提到決賽在即，她稱準備了從未有港姐表演過的項目，希望打入三甲，又指原本睇好佳麗黃嘉雯，現時則轉軚睇好因性傾向而惹起話題的姚懿芠，更爆料說：「私下有傾過，我有同佢求證，佢鍾意男仔，仲畀過佢男友嘅相我睇，佢鍾意啲四眼宅男。」
姚懿芠自揭有男友
至於姚懿芠坦承喜歡戴眼鏡的宅男：「鍾意個樣老老實實，呃到吓我，我都易畀人呃，但冇畀人呃過。」提到她之前否認與女歌手Judas拍拖，並以「正常」來形容自己的性取向，令同性戀者Judas即反問是否指她不正常。對此姚懿芠為失言致歉：「我未接觸過呢行，唔係好識講嘢，令大家誤會，我冇呢個意思，要向佢（Judas）同所有同性戀者say sorry。」並再重申由始至終都喜歡男人。