胡諾言捱眼瞓 陳琪冒風雨做車手

育有兩女一子的胡諾言（胡仔）與陳琪，昨日拍拖接送囡囡返小學，由於天氣不穩令交通擠塞，駕住七人車的陳琪於距離上課尚有5分鐘才抵達學校，並由胡仔帶住兩個女進入校園。
胡諾言親送兩個寶貝女入學校。
胡諾言親送兩個寶貝女入學校。

戴住黑超的胡仔透露囝囝半夜紮醒幾次哭泣，令兩公婆冇覺好瞓，不過昨早也風雨不改送女返學，絕對是廿四孝爸爸：「又落雨，驚啲交通有問題，呢兩日大家都知發生咩事，希望快啲搞番掂。（學校有冇講點處理學生罷課問題？）又冇，我都有問啲女，可能學校冇乜提呢樣嘢。」

陳琪冒風雨揸車接送，慶幸沒因塞車遲到。
  • 陳琪冒風雨揸車接送，慶幸沒因塞車遲到。