樂隊Nowhere Boys的主音Van有幸在生日當天和偶像鄭伊健拍攝《時光歲月》MV，更被踢爆因見偶像而打孖敷Mask，但伊健聞言即過兩招「出位」之法：「我初出道嗰陣出鏡故意唔化妝，觀眾見到個個上鏡都咁靚，零零舍舍有一個唔化妝黑麻麻、殘殘哋，咁先夠特別！」MV選在校園取景，樂隊和伊健分別飾演教師和學生，鼓勵年輕人勇敢追夢和珍惜友誼。