葉文輝靠老婆重生 似番一個人

歌手兼DJ葉文輝（啤梨）將於9月12日舉行入行廿年演唱會，希望邀請多年來相伴過的歌手朋友做嘉賓，包括張敬軒：「初出道有好多登台騷，記得同過軒仔、2R（前組合）一齊去澳洲，同軒仔好好傾，佢係我一路好欣賞嘅歌手。」講到老婆屆時都會撐場，啤梨笑說：「佢應該係第一次睇我開演唱會！我識佢時佢啱啱返嚟香港，佢話喺我最光輝嘅時候佢唔喺香港，話自己聽容祖兒。（Hurt唔Hurt？）又唔會嘅。（老婆有冇聽晒你所有歌？）我覺得冇囉！所以希望佢到時可以感受吓，畀多啲尊重我。」