伍允龍精心炮製 安志杰爆男人味
藝人安志杰、伍允龍及吳建豪十多年前拍電影《少年阿虎》成為好友，三人近日在新片《潛行者》再結片緣鬥戲。伍允龍回想那些年時說：「當年喺屯門開工，大家捱飯盒睇日落，希望日後有套屬於我哋嘅作品，點知十幾年後先『產生』到。（想再拍乜題材？）好多都想拍，但要種種配合。踏出第一步係難嘅，跟住相信會好啲，希望唔使再等多十年啦，驚到時腳都踢唔起！」
伍允龍今次讓兩位好兄弟「自由選擇」，結果一個揸槍、一個用蝴蝶刀，二人的男人味更在戲中「核爆」﹗伍允龍說：「安志杰鍾意玩槍，佢唔食飯我咪畀多幾粒子彈佢射囉。吳建豪同馬來西亞演員舞蝴蝶刀嗰場戲好吸引，睇過嘅人反應都唔錯。」安志杰則說看着伍允龍由武指到演員、動作導演到監製，大讚成績斐然，絕不是新手。
伍允龍化妝及髮型：Shirley Lee
服飾：Chevignon & New Balance