陳偉琪細龍太變新娘 倒瀉36E搶Fo
「細龍太」陳偉琪（Vicky）、黃芷晴、李旻芳與未婚夫黃耀英，再加上「群姐」許思敏與孫女，昨日齊齊為婚紗展行Catwalk，其中Vicky的婚紗最為搶鏡，火辣大晒南北半球，烏身一刻36E咪咪差點傾瀉而出，十分震撼！至於芷晴的兩套婚紗胸前位置有薄紗設計，酥胸若隱若現，但不慎露胸墊，她表示有做足準備工夫，出場前有同Vicky互相檢查。
問到Vicky將來結婚會否同樣性感？她擰擰頭說：「唔會，咁樣好唔方便。（驚嚇親長輩？）唔會啦，哈哈！」她撒嬌大呻沒有男友：「有排唔會有，心態未到搵對象階段，工作都未搞掂，但個個叫慣我做『太』，以為我結咗婚。」
黃芷晴自爆單身
芷晴竟自爆目前是單身，問到不是有男友陳一天？她將二人關係「降呢」：「唔算（拍拖），唔係成日見，依家工作為主，想發展都冇機會，但大家有互相支持。」她又冧爆指對方突然現身市集玩驚喜：「想佢快啲返嚟，佢成日飛內地拍戲。（你會探班畀驚喜佢？）少啲，我比較黐家，屋企人成日要我報告行蹤。（唔係見晒雙方家長？）互相了解中。（咁都未拍拖？）唔知呢！」
