打女變身性感尤物楊柳青拋胸驚走光
「新一代打女」楊柳青（Wiyona）日前以黑色性感開胸裝出席名錶品牌活動，變身性感尤物，大晒迷人身段，艷壓全場！她直言極不習慣：「服飾由經理人安排，平時我最性感都係露膊裝，所以感覺不太習慣，經常擔心走光，加上自己舉止較粗魯、動作好大，惟有事前做足預防措施，黐咗好多膠紙。」
提到名錶，Wiyona表示人生買第一隻名錶就是送給媽媽：「畢業後踏入社會，第一份買畀媽媽嘅禮物就係錶，買錶原因係代表時間，我好想提醒媽媽，時間係會流逝，一定要好好愛錫自己，記得當年媽媽收到我呢份禮物，開心到眼泛淚光。」工作方面，她表示將有劇集《解決師》、電影《催眠．裁決》及《擊鬥女神》播出，當中在《解》劇中一改打女角色，飾演俏秘書，更有大膽性感演出。