馬詩慧衫都唔着赤裸鬧仔女

王麗嘉谷胸行騷，甚有名模風範。

馬詩慧與女兒Irisa、名媛上山詩鈉女兒Hilary、湛琪清等昨日出席Moschino活動，Irisa即席換上性感低胸裝行騷，谷胸大騷34D上圍，非常性感，只見她表現淡定，儼如專業模特兒，果然有媽媽的名模風範。

已無欲無求

Janet前日生日，她透露沒有大事慶祝，皆因三名子女各有各忙，沒有陪伴她：「兩個女要出Event，阿仔飛咗去美國讀書，老公（王敏德）送咗一大紮花畀我，其實我依家已經無欲無求，年紀愈大，今時今日呢個世代物質已經唔係我想追求。（想要新抱、女婿？）隨緣啦，唔急嘅！」問到在旁的Irisa有否送生日禮物給媽媽？她即表現尷尬：「我未送啫！」

公開母女浴照

提到大女王曼喜前日在社交網上載兩母女全裸浴照，Janet自爆原來一家人經常赤裸裸相對：「我哋沖完涼嗰刻唔會即刻着衫，但唔係全日唔着衫周圍走，只不過唔會刻意遮遮掩掩。我會成日冇着衫鬧佢哋，因為我驚唔記得想鬧佢哋乜嘢，所以當下諗到就講，大自然係咁無拘無束o架啦！」

馬詩慧大爆一家人經常赤裸裸相對，王麗嘉應該見怪不怪。

Hilary的「老虎機」手袋好得意。