林淑敏「慳皮」肉餅老公詐型
藝人林淑敏（Mandy）昨日出席代言韓國廚具品牌的活動，她自認是煮得之人：「我返工前會準備好晚餐畀老公，因為想佢食得健康啲。」又指老公吃慣她的手勢，故不會特別誇獎她，反而吃到難食的會特別大反應：「因為依家啲肉好貴，所以我整肉餅時加咗啲豆腐，佢叫我唔好搞咁多嘢！」
Mandy自誇家常便飯難不到她，卻不擅長煮牛肉及甜品：「因為我唔食牛，所以試唔到味，又戒咗糖，所以唔食甜品，亦唔識整。」至於會否提議公司為她開煮食節目？她自爆曾為BBC做烹飪節目：「只係做咗5集，跟住佢哋決定搵個廚師上嚟煮，可能覺得都係廚師好過我啦！」