林愷鈴派檸檬 唔要王梓軒護花

藝人王梓軒與龔慈恩女兒林愷鈴（Ashley）前晚為《安全着陸的許願流星》音樂劇作總綵排，身兼導演的梓軒讚對方學習能力高，表現有120分！Ashley表示踏上舞台感覺夢幻，問會否邀媽媽欣賞？她說：「由細到大都好驚媽咪嚟睇表演，會好緊張，但又唔想叫佢唔好嚟。」她希望向音樂路進發，笑言要梓軒提攜。
還未正式演出，王梓軒已畀足林愷鈴120分！
還未正式演出，王梓軒已畀足林愷鈴120分！

對於被指有已婚導演接送，她澄清當日因工作關係，才上導演座駕：「好多前輩都好幫我、錫我，嗰日我要錄音，但突然病咗，多謝公司、導演、客戶體諒，帶我去睇醫生。」梓軒亦出口護花，但問到會否考慮梓軒做「護花使者」？Ashley即搞笑地以手勢請食檸檬！

林愷鈴綵排期間不斷進步，獲讚學習能力高。
  • 林愷鈴綵排期間不斷進步，獲讚學習能力高。