涂毓麟爭女輸咗！

環球新人涂毓麟（Oscar）昨日現身電台宣傳新歌《Never Mind》，講述做兵、單戀不果的故事，鼓勵大家爭取所想，不要經常只有Never Mind心態：「MV講我爭女失敗，現實中有發生喺自己身上，但就冇爭，因為唔知同另一個男仔鍾意同一個女仔，都係最尾先知，佢主動啲就追到。（你有咩想爭取？）揀科，嚟緊喺科大讀Year 3，但仲未揀到時間上堂。（點兼顧唱歌？）多數都係塞爆2、3日返學，如果要做嘢就可能要走堂，叫同學幫手抄筆記。」由ViuTV選秀節目《全民造星》出身的他，表示日前以師兄身份探班：「第二季嘅實力好強，有幾個都幾好樣，一開始諗住去探班，但最後睇晒成集錄影，都學到嘢。」