蔡一傑趁旅行獨自「沖涼」
草蜢成員蔡一傑將於10月26至28日假伊館舉行首個單飛音樂會《Remus Choy Onederful Live Show 2019》，他出道前曾參加日本偶像模仿比賽奪冠，自小受當地音樂、時裝和文化影響，故早前選到日本拍攝音樂會主題曲《獨行派對》MV。雖然拍攝當日氣溫高達37度，但他說辛苦得開心：「拍咗好多靚景，試咗好多第一次，仲同日本Fans見面，佢哋講流利廣東話，話支持咗我好多年，今次要拉隊嚟香港睇我第一次個人音樂會，好感動！」
傑仔又表示很享受一個人旅行，他說：「可以同自己相處，了解自己多啲。最鍾意日本獨遊，我會一個人行街、食嘢、睇展覽，同埋『沖涼』！」原來他所指的「沖涼」，其實是浸溫泉。