歌手鄒文正昨日到電台宣傳創作新歌《應不應該》：「係網劇插曲，戲入面同Shiga（連詩雅）做情侶。」跟Shiga於戲中有親熱戲？他竟自爆有主動刪減場口：「我比較內斂、怕醜。（你刪減咗啲咩？）擁抱，改咗用其他方式去演繹。（Shiga有男友你避忌？）咁我又唔知。（極限嘅身體接觸係咩？）暫時係拖手，等大個啲再突破。（好耐冇拍拖，對情侶之間嘅互動生疏？）都有5年『空窗期』，依家係單身，專注工作先。」
