馬浚偉有獎攞《同理》繼續拍
藝人馬浚偉（Steven）任製作人親自構思、監製及主持的香港開電視節目《同理．繼續走》，早前獲美國國際電影展的兩個獎項，昨日特別舉行祝捷會，他表示很開心獲獎，問到可會開拍第2輯？他說：「電視台、網民同贊助商都有問過我，我個人絕對願意，因為喺弱勢社群入面，仲有好多問題未浮現，再拍就想更深入社會，去搵呢啲問題出嚟。」
Steven稱自己都成立了非牟利機構，會同一些機構合作去做義工，她說：「近期社會氣氛緊張，我亦冇咁嘅智慧去分析錯對，但見到身邊好多朋友都唔開心，其實民生好、生活好，多出路，好多問題就可以解決。」問到可會拍劇？他坦言：「暫時唔會，因明年1月要開電影，又有新嘅舞台劇，嚟緊10月又演唱會，仲有好多劇本要寫。」