菊梓喬被粉絲感動到喊 晒事業線回禮

Hana的處女個唱請來好友周柏豪和側田任嘉賓，她大讚柏豪靚仔又夠義氣，柏豪稱看到Hana的努力和堅持，才能站在這個台上。除嘉賓外，Hana再獻出第一次，在舞台上一展舞技，但見她在台上雙手擺動，似動作多於舞步，她自嘲由細到大未跳過舞，所以希望大家給予掌聲鼓勵。當唱畢《從未說起》，Hana即邊說邊落淚：「多謝你哋無論出面發生乜事，你哋都嚟陪我，我唔知點解我會有呢個福氣，畀大家用愛包圍，我從小到大冇感到愛，只覺得得自己一個，多謝大家今晚嚟陪我，陪我追夢。」

期望再開騷

完騷後受訪，Hana感謝很多愛錫她的人，但講到舞台造型密實時，她笑言：「邊密實呀？都有露手臂、露腳o架。第一套公主裝上面近睇好低o架。（唔覺喎！）你哋上網睇番啦！下次啦，唔通第一次就露條線（事業線）咩，慢慢啦，希望開到2、3、4次演唱會，就愈剝愈少。」

菊梓喬與粉絲握手，反應熱烈。	菊梓喬讚柏豪有義氣，攬實他致謝。	周柏豪

首場9成入座

首場遇上遊行後的衝突令前來的觀眾交通受阻，Hana坦言：「知首場有啲事故，所以嚟唔到嘅朋友可以換今晚第二場嘅飛或者退票。（宣布退票決定會唔會太遲？）我哋一知道後，所有同事已即刻安排，用盡所有方法解決，唔嚟睇唔緊要，最緊要安全。（令個唱唔完美？）已經好完美，多謝好多朋友嚟支持，都諗係咪坊間所傳賣唔到飛，但呢兩晚證實傳聞唔係事實，心入面好多謝支持我嘅人。」事件可有影響心情？她說：「一定會有，但上台就放低一切，先可以對得住入場嘅觀眾。」

側田與菊梓喬手拖手獻唱。

何哲圖

問到退票及換門票人數？星夢老闆何哲圖稱因首場入場人數有9成，而換第二場門票或退票約幾十張。問到為何不考慮取消首場？他稱原定遊行結束時間是4時，故沒想到要取消。