天后容祖兒早前被好姊妹蔡卓妍踢爆不乏追求者，昨日盛傳她與王菀之已婚叔仔Gavin So暗撻，有指二人7月曾結伴遊日，返港後又相約到中環撐枱腳，祖兒開騷期間，Gavin更晚晚捧場，而今年3月本報也捕獲過他與祖兒密會睇戲。
對此，祖兒矢口否認緋聞，強調Gavin只是「兄弟」而已：「我哋絕對冇發展嘅機會，知道大家對我感情未有着落都好緊張，但有好消息一定會告訴大家，正如我演唱會所講，我現在係single，絕對開放歡迎大家有好嘢介紹畀我！」Gavin亦否認與祖兒去日本，他說：「同朋友普通食餐啫，做我（意即做新聞）！」再問他為已婚人士，可擔心緋聞影響家人？他說：「呢啲唔答。」