焦媛加足料任廖安麗胸襲

焦媛及廖安麗（Annie）主演的舞台劇《色戒》昨晚正式公演，開騷前眾人進行總綵排，兩女上演一場大膽的「揸胸」戲，焦媛被Annie喝令除衫，身穿性感貼身透視金色底裙的她，身材玲瓏浮凸，再被對方雙手大力揸胸，不停搓圓撳扁，Annie又嘲諷其身材，二人埋身肉搏，場面震撼！

大讚手感好

「施襲者」Annie被問到可會尷尬？她笑說：「點會尷尬？原來係我『色』佢！（焦媛係咪好有料？）你睇吓佢，佢為咗呢套戲做咗好多嘢囉！」

焦媛親自為「加料」解畫：「條底裙係度身訂造，比較透，做舞台劇每個人要袋兩支咪，為咗身形靚，如果後面有兩個咪Pad咪好肉酸？所以我擺咗喺胸前，不過好痛！因為Annie姐好投入，真係揸落去，佢愈用力愈痛！」Annie笑言連綵排都毫不留力地揸：「揸咗兩個月，唔揸好難投入，手感仲好啲添！我都係第一次揸女人胸。」焦媛的胸部可有瘀傷？她抵死笑說：「綵排嗰時冇兩個咪Pad。」

廖安麗對焦媛上下其手。

焦媛與廖安麗等為舞台劇作總綵排。

初演似同性戀

焦媛爆料指這場戲是導演新加，與電影版本及原著不同，Annie表示當初排練時，導演覺得她們演得太似同性戀，後來拿捏得好，終能演繹兩女互存妒忌之心的效果。焦媛坦言跟男主角周家輝之間的身體語言亦有暴力感覺，更特意邀請形體老師指導。

闊別舞台三年的Annie開心透露，有很多朋友會捧場，而生日亦都在綵排中度過：「嗰陣換緊衫，導演係咁叫我出嚟，原來準備咗驚喜蛋糕畀我，好開心！。」