鄧麗欣認老怕傷膝
藝人鄧麗欣（Stephy）昨日出席慈善跑樓梯活動記者會，她自言小時候愛跑樓梯，但未知屆時有否時間共襄善舉：「細個住12樓，經常唔搭𨋢去行樓梯，有朋友同我住同一棟，所以會跑上跑落搵朋友。如果真係參加要時間練習，因為年紀都唔細，怕傷膝。」
談到近況，問是否忙拍拖？Stephy笑言拍拖不算太忙，最近是忙於宣傳電影及錄主題曲：「原來我有四年冇入過錄音室，唔係好慣，但好開心，幾懷念。（會唔會再出唱片？）暫時唔會住，希望都係做同電影有關嘅嘢。（有時間會去台灣探男友邱勝翊？）會過台灣，我間飲品店要拓展，台灣有間Pop-up店，我要去開會同視察。」