黃嘉雯楊詠彤三甲大熱 燈神馮盈盈邪住晒
應屆港姐決賽候選佳麗黃嘉雯及楊詠彤向來是大熱，昨日獲師姐馮盈盈、麥明詩、劉穎鏇及陳曉華選為三甲心水之列。黃嘉雯坦言開心，但同時添上不少壓力，會努力做好自己，楊詠彤則認為更有推動力。
《2019香港小姐競選》進身決賽的十位候選佳麗，昨日聯同四位師姐馮盈盈、麥明詩、劉穎鏇（Tiffany）及陳曉華出席記者會，決賽將於9月8日假將軍澳電視廣播城舉行，當晚邀得200名藝人參與盛事，若選中三甲人選，將有機會獨得20萬獎金！
劉穎鏇撐師妹大膽
活動上，四位師姐各自選出心目中的三甲心水人選，當中以黃嘉雯、楊詠彤及古佩玲最得師姐歡心。馮盈盈受訪時表示今次人選均為大熱，但笑說：「自己係燈神，揀咗邊個衰邊個，如果呢啲唔得嘅話就冇嘢講啦！我之前睇好姚羽嘉，但已經出咗局。」Tiffany的三甲心水包括古佩玲，她解釋當年自己參選時同為19歲，欣賞師妹有勇氣，另外又讚黃嘉雯有氣質，說話充滿自信。
楊詠彤否認榨乾「阮兆祥」
獲師姐一致睇好的黃嘉雯及楊詠彤坦言很開心，黃嘉雯表示信心大增，卻又添上一份壓力：「咁多人支持都有壓力，但好開心，會做好自己。」楊詠彤坦言更有推動力，希望才藝表演做得更好。問到被指曾與「翻版阮兆祥」拍拖，用盡他的錢後就狠飛對方，楊詠彤承認對方是其前男友，但澄清：「我同佢已經冇聯絡，我冇用佢啲錢，不嬲財政獨立，都係亂作嘅新聞。（擔唔擔心有影響？）唔驚，拍拖好正常啫！（但嗰個係翻版阮兆祥喎？）幾好呀！明星相嘛！」
另外，陳曉華被指翻撻歌手狄以達，她回應：「嗰日係同啲朋友食飯，因為之前拍劇冇時間。依家冇諗拍拖，心態、時間都未Ready，工作先，我同佢係朋友嚟，都有聯絡。（有機會再發展？）冇諗咁遠！暫時就冇，事業為先。」