馬浚偉瘦剩棚骨點騷肌？

馬浚偉首次舉行演唱會，定必全力以赴。

讀中醫自救

馬浚偉稱原本有人建議他在較大的場館開騷，但遭他拒絕，覺得會場雖然只有600座位，卻可讓他靠近歌迷，而且不捨得唱完，寧願開多幾場。問他會否在演唱會上騷肌？他自爆早年因用錯方法食齋，致營養不良，瘦剩棚骨：「之前血壓低心跳慢，因為我唔食得花生同堅果，食得唔平均，淨係食菜、麵包同蛋，搞到頭暈同貧血，中西醫要我食番肉，唔想食齋食死，係太高估自己，食齋仲繼續跑步、打羽毛球同踩單車。」並透露計劃明年到澳門修讀中醫兼讀課程，預計讀五至六年，笑言自己針灸、執藥、煲藥醫自己。

另外，余香凝前晚出席活動時，表示將在馬浚偉演唱會合唱《只怕不再遇上》及獨唱《如風》，令她十分緊張，笑言要去看容祖兒演唱會偷師打造台風，幻想自己是個好勁的歌手。她感謝馬浚偉經常鼓勵和給予信心，唱歌時深情對望也不尷尬。

李明蔚上台為馬浚偉打氣。

余香凝將在演唱會獻唱，感到緊張。