田蕊妮爆喊贏掌聲衝擊視后
田蕊妮主演的無綫新劇《她。她。她的少女時代》劇情貼地，贏盡口碑。前晚一集講述阿田對着空櫈，釋放多年來對父親不滿的崩潰戲，演得入木三分，獲網民激讚有望再贏視后。
阿田接受電話訪問時表示：「演得好係演員嘅本分，反而要多謝兩位編審，係佢哋創造出咁好嘅劇本畀我哋發揮。劇集推出後，我收到好多短訊鼓勵，有朋友多謝我喺呢段時間，每晚畀一小時歡樂大家，好多謝大家嘅支持。」據知，該場戲是首日拍攝的重頭戲，阿田未熱身便要演出爆喊戲，結果導演一Take收貨，圍觀的同事報以掌聲鼓勵，不過她嫌自己的演出「唔夠層次」，要求再來一Take，相當專業。