高海寧一擊即中後悔買得少
前港姐高海寧（高Ling）參與拍攝myTV SUPER 18台節目《後生仔傾馬仔》，自爆第一次入馬場已經有斬獲：「因為嗰陣每年港姐都會出席『婦女銀袋日』，第一次入馬場啲人話會有Luck，咁就跟人哋買咗一百蚊，人哋叫買乜就買乜，我唔知買咗乜o架！哈哈！最後就中咗成千蚊，早知買多啲。」
自嘲口才麻麻的高Ling應主持要求嘗試旁述賽事，但甩甩咳咳，她笑說：「我有少少閱讀困難症，我記劇本就好叻，因為理解咗個意思再講出嚟，但唔可以望住啲字去讀！有時配音要睇住讀，我就會甩甩咳咳，發覺對眼係快過個腦，所以我係要理解咗先，做每一行都有自己獨特嘅技巧。」