張家輝風騷任集郵撩小齊闖沙漠

張家輝、任賢齊、陳家樂、郭晉安及吳卓羲前晚現身黃埔，出席新片《沉默的證人》首映禮。心情大好的家輝走向兩邊粉絲任集郵，見演反派的陳家樂一身泥黃色打扮，即笑說：「你『黃』咗喇！」又主動「撩」小齊：「我見你成日有活動去親近大自然，下次可唔可以帶埋我去？」小齊答：「近日想去個沙漠，幾十年前被人發現時，啲人仲好似生活喺明清時代咁。」自認捱得的家輝搞笑說：「咁有冇洗手間先？如果唔係好難搞喎！」
任賢齊講到郁身郁勢，夠晒落力。
任賢齊講到郁身郁勢，夠晒落力。

談到早前太太關詠荷獨自帶女兒出街，家輝解釋：「佢哋慣咗啦，不過我公幹返港，都會一家人出去食餐飯嘅。（今年暑假同囡囡去邊玩？）今年比較遺憾，去唔到，手頭上有啲嘢搞。」

郭晉安性向曖昧

郭晉安於戲中扮演一名性向曖昧的保安員，他笑說：「我諗咗好耐點演，其實劇情係講我飲醉，我演技搭夠。導演（《虎膽龍威2》導演Renny Harlin）經常鼓勵我哋，佢成日話Very Good，實情係未收貨，佢滿意係會話Well Done嘅。」而吳卓羲與對手對打時，眼見對方意外受傷而血流披面：「佢額頭撼咗落口釘度，我嚇呆咗，擔心佢有事。」

張家輝心情靚口花花，主動冧Fans。
  • 張家輝心情靚口花花，主動冧Fans。
被嘲「黃咗」的陳家樂（左），與郭晉安及吳卓羲合照。
  • 被嘲「黃咗」的陳家樂（左），與郭晉安及吳卓羲合照。