35D李芷菱愈大愈勇
擁有35D驕人上圍的亞姐最上鏡小姐李芷菱，早前為寫真集積極減肥，一個月內減掉15磅，更是「瘦身不瘦胸」！她直言胸大是福氣也是煩惱，讀書時曾感尷尬，甚至自卑！
李芷菱（Camilla）早前在書展推出寫真集，為了以最佳狀態示人，她積極瘦身：「選美之後開始懶，肥咗好多，直至公司通知我會影寫真，我就開始落力節食，同埋做好多徒手運動，用近一個月減咗15磅，成功搵番條腰仔！」
寒背致腰骨彎
其豐滿身材令不少女生「葡萄」，但其實有苦自己知，Camilla大呻「胸大之苦」：「做運動時心口好痛，極級辛苦，所以唔可以做太激烈運動。同埋我喺中學發育時期比較怕醜，唔想畀人知道自己心口大，所以刻意寒背，或者戴Sports Bra返學，驚畀同學笑，可能當時經常寒背，搞到依家腰骨有啲彎。以前好介意其他人嘅眼光，不過依家大個女就發現好平常，身材好自然有人關注。」她坦言上圍愈大愈好，但拒絕「造假」升Cup：「我依家做運動跳都咁辛苦，如果隆胸，心口硬咗咪仲痛？」並期望靠運動達到「瘦身不瘦胸」的效果。
至於感情生活方面，單身的她坦言社交圈子狹窄，難覓男友：「我工作嘅地方以女性為主，比較難識到男仔，不過依家我仲後生，專注喺事業上，呢一刻唔急拍拖，可能年紀大啲先考慮Speed Dating。」