香港名模始祖劉娟娟病逝，享年75歲，娟娟更是前亞姐形象總監，1990年亞姐冠軍吳綺莉（Elaine）與她情感要好，由於二人關係密切，當年更有傳娟娟偏心Elaine。Elaine昨日回覆說：「唔係偏心，娟娟真係好錫我，緣分好難講，我喺上海住咗十年，娟娟又係住上海，大家經常見面食飯，不過都6、7年冇見，今次佢走咗，心情都唔好！（印象點？）佢品味好好，成日帶我去買衫、買布，好佩服佢可以將一樣好平嘅嘢變成好高貴嘅嘢。」
與娟娟相識多年的好友鄧達智稱兩星期前從朋友口中得知娟娟入院：「佢走得很快！（係咩病？）本來係初期大腸癌，但擴散變咗肝癌！」而與娟娟相識三十多年的時裝設計師文麗賢，前晚透露最後一次與她見面是今年3月，她說：「每次問佢都話冇事！佢面色唔好、又瘦，唔食得又唔瞓得，係問題先兆！」至於娟娟的身後事，文麗賢指娟娟有福氣，有兒子及外籍媳婦，還有兩位得意孫兒，且已交代喪禮要簡單。