愛犬幫補家計 陳瀅：收入高我三倍！
藝人陳瀅近日榮升「星媽」！忙於拍攝無綫新劇《愛美麗狂想曲》的她因角色安排養狗，她靈機一觸，決定肥水不流別人田，安排愛犬Diesel當「演員」，趁機爭取時間相處，亦讓愛犬搵零用錢！
談到愛犬的身價，陳瀅打趣地說：「估唔到佢搵得多過我，因為大家收入計法唔同，佢開四日工收入起碼係我嘅三倍！因為社會氣氛，我近排少咗活動，好彩佢幫補家計，我都買咗好多佢嘅日用品獎勵佢。（想佢繼續做狗明星？）都好！」而短短四日，Diesel已習慣工作環境，主動走入廠房「埋位」，更因應角色造型戴上「金鏈」，又與陳瀅戲中男友蕭正楠相處愉快。陳瀅笑說：「其中一場戲講佢搞破壞，周地都係廁紙同大便，平日佢唔係咁嘅，今次畀劇情屈咗。」