港姐之母陳紫蓮癌症逝世翁嘉穗見最後一面

「港姐之母」陳紫蓮昨日因病離世，據知她患有子宮頸癌，終年71歲。有指她數月前曾與舊同事見面，當時已消瘦不少，昨午在一個舊同事群組中流出其死訊。

當正半個阿媽

Rosa於70年代起一直盡力照顧歷屆港姐，至2008年榮休，與佳麗關係友好。1997年港姐冠軍、現任慧妍雅集會長翁嘉穗證實Rosa死訊，昨晨她與王愛倫、曹敏莉和林漪娸等到醫院見其最後一面，翁嘉穗透露她是癌症末期：「估唔到佢咁快走，真係好難過！其實佢患呢個病，我好遲先知，我前後探佢三次，頭兩次佢精神都OK，我哋都有傾有講，今日見佢已經係彌留狀態。」她曾為Rosa熬煮松茸湯，希望有助康復：「佢當時仲話如果好番啲，會試吓去印尼睇巫醫。」翁嘉穗用「溫情、嚴肅、保守」形容Rosa為人，表示一眾港姐都當她是「半個阿媽」，會與她傾心事。王愛倫表示多年來經常與Rosa見面，大讚她人品超好。

翁嘉穗（左）與Rosa感情要好。	李珊珊坦言難以接受Rosa的死訊。	佘詩曼感激Rosa的教誨。

李珊珊難以接受

1997年港姐季軍佘詩曼坦言懷念Rosa的教導：「我都係十日前知佢有病，當時我仲話拍完套內地劇就返嚟探佢。我選港姐入行時乜都唔識，佢同我亦師亦友，跟佢學咗好多嘢。」蔡少芬及陳法蓉亦回應指痛心難過。曾任兩屆慧妍會長的2009年港姐冠軍劉倩婷表示Rosa退休後仍繼續協助慧妍運作：「佢無私奉獻去培育港姐，令港姐發光發亮，好值得人敬重。」1996年冠軍李珊珊在社交平台留言指難以接受噩耗，2008年港姐高海寧亦留言悼念。

與Rosa屬多年戰友的前無綫外事部總監曾醒明直言得知噩耗後心情難以平復，他指Rosa未婚，有姊妹伴走最後一程，安詳離世。他代表Rosa家人感謝外界問候。

另外，曾為港姐及亞姐擔任形象顧問的劉娟娟，形象指導張學潤昨日透露她已病逝，終年75歲。